Leevens Lifète Dejoie se non anplwaye nan Direksyon egzekitif Rezo ATM nan Sogebank ki jwenn libète l jounen jodi madi 20 jen 2023 a, poutan li te pral pase plis pase 30 jou nan prizon nan Direksyon Santral Polis Jidisyè (DCPJ), selon Avoka li Mèt Arnel Rémy.
«Pou kounya, li rantre lakay li, pandan li akonpanye avèk manman li. Alòske, yo te repwoche l pou vòl, konplisite vòl, Abi konfyans, asosyasyon malfektè, itilize fo non, elatriye», toujou selon Mèt Arnel Rémy.
Direksyon Depatmantal Lapolis nan Nò (DDN) te pral arete Leevens Lifète Dejoie nan dat 19 me ki sot pase a atravè yon manda DCPJ te kite nan men yo, nan dat 19 jen ki sot pase a.
Alòske, Lapolis Nasyonal poko presize egzakteman si arestasyon Leevens Lifète Dejoie ta gen lyen avèk Daphcar Saint-Paul epi Catherine Barochid, ki se ansyen Sipèvizè kès ak direktris operasyon sikisal Sogebank lan. Puiske, yo te arete pou 132 mil dola ameriken yo ta detounen anndan bank sila.
Pandanstan, gen 3 lòt anplwaye nan enstitisyon bankè sila, tankou Memnon Jean Junior, Antoine Jean Ralph, Georges Anne Ketia ki gen avi rechèch DCPJ dèyè yo, kòmkwa se ta moun ki te detounen lajan Atis Roody Roodboy.
«Roody Roodboy te pèdi 6 milyon goud ak 49 mil dola ameriken, yon sèl moun ka fè tout bagay sa sèlman ?» Se petèt preyokipasyon Mèt Gisnel sou dosye detounman lajan nan Sogebank lan.
Atik sa se pwopriyete prive ©️ Gwoup Medya MAGHAITI 2023
