Brigad Entèvansyon Gonayiv nan tèt kole avèk UDMO te rive mennen yon operasyon nan lannuit 13 pou rive 14 janvye 2023 a, presizeman nan lokalite Tou Sab. Polisye yo sezi 2 zam, 2 machin epi 4 bandi te finalman tonbe ki t ap opere nan baz Bwa kale a.
Selon depatman sèvis Kominikasyon Lapolis la, nan kout filè sa plizyè ajan polis te mennen an, ta pral gen 4 bandi ki pèdi lavi yo, pandan yo t ap tire avèk Lapolis ki se Dérive Jocelyn, Joseph Jimmy, Noël Ritchie epi Dieujustz Victor.
Paralèlman, gen plizyè lòt ladan yo ki te gentan chape poul yo avèk zam nan men yo, malgre lapolis nan komin Gonayiv fè konnen yo p ap sispann mennen operasyon yo kont bandi nan zòn nan jiskake yo retabli lapè nan zòn site Endepandans lan.
Anplis, Direksyon depatmantal la te tou pwofite avèti sila yo ki enplike nan zak malfra ak banditis sa yo, li p ap mennen yo lòt kote ki se nan wout mawon oubyen lanmò oubyen mare.
Atik sa se pwopriyete prive ©️ Gwoup Medya MAGHAITI 2023
