Ansyen senatè Steven Benoit anonse jodi lendi 30 janvye 2022, sou kont twitè li, li pran desizyon pou remèt demisyon li nan pòs premye minis eli Akò Montana a.
“Mwen te anonse l-mwen kenbe pawòl mwen. Pou fasilite gwoup Montana a nan pwosesis dyalòg ak negosiyasyon l ap mennen ak diferan sektè epi nan chèche konsansis pou yon bon tranzisyon koupe fache, mwen remèt lèt demisyonm kòm premye minis Eli Akò Montana a”, deklarasyon Steven Benoit.
Anplis, ansyen senatè a fè konnen menmsi li demisyone kòm premye minis l ap toujou batay anndan Montana pou yon tranzisyon koupe fache. Pandan tan sa a, li tou pwofite di tout peyi a mande premye minis defakto Ariel Henry pou fè menm bagay ak li pou popilasyon an ka pran yon souf.
Jodi lendi 30 janvye 2023 a, fè yon lane depi Konsèy Tranzisyon Nasyonal ( CNT), te eli Steven Benoit kòm premye minis tranzisyon .
N ap raple 19 janvye 2023 pase a, se dat sa Wo Konsèy Tranzisyon ( HTC) te pibliye nan jounal ofisyèl peyi Dayiti ki se Monitè. Nan konsèy sila, nou jwenn non Laurent Saint Cyr, Calixte Fleuridor epi Mirlande Hyppolite Manigat.
© Tous droits réservés – Groupe Média MAGHAITI 2023
Discussion about this post