Jèn rapè Ayisyen anpil moun konnen sou non H-Taliban mouri anba bal endividi yo pa rive idantifye ayè vandredi 14 avril 2023 a, nan zòn Dèlma 33, selon plizyè sous.
Carl Henry ki gen pou non H-Taliban se yon rapè epi «freestyler» ki te fè pati Team Kolabo. Byen bonè samdi 15 avril la, plizyè atis tankou Dimilòm ak D-Fi te swete kondoleyans ak jèn rapè sila.
Anvan lanmò rapè a, plizyè enfòmasyon te rive fè konnen atis la gen rapò ak chèf gang Vilaj Dedye, sitou apati yon videyo ki te pataje anpil sou rezo sosyal yo, kote nou te wè atis la ki t ap chante avèk chèf gang 5 Segonn nan « Izo».
H-Taliban mouri anviwon yon mwa aprè komedyen Ayisyen «Sexi l’artiste» te rive tonbe anba bal moun yo pa te rive idantifye nan zòn Nazon.
Atik sa se pwopriyete prive ©️ Gwoup Medya MAGHAITI 2023
