Depi aprè lanmò 7 polisye yo nan lokalite Lyankou, lari nan kapital la ak nan pwovens yo genyen yon gwo tansyon avèk panik ladan sa. Nan mouvman sa yo, plizyè polisye ak sivil mete ansanm pou antre nan Rezidans premye minis defakto Ariel Henry, jounen jodi jedi 26 Janvye 2023 a.
Gwo deblozay fèt anndan kay chèf Primati an, kote polisye avèk sivil mete ansanm pou kraze vit machin, kraze kamera, pran zam, pete kawoutchou, elatriye. Pandanstan, sekirite anndan kay premye minis defakto Ariel Henry, te oblije kouche plat atè ak evite tire pou sove po yo, selon radyo Emansipasyon.
Premye minis Ariel Henry ta sipoze antre jounen Jodia aprè li t al patisipe nan 7èm somè kominote Eta Amerik latin Karayib (CELAC) nan peyi Ajantin jou madi 24 janvye a.
Atik sa se pwopriyete prive ©️ Gwoup Medya MAGHAITI 2023
