Òganizasyon Leta Ameriken (OEA) yo fè konnen jounen jodi jedi 20 avril 2023 a gen nesesite pou bay Ayiti yon asistans imanitè ak elektoral. Peyi manb yo di sa aprè yo te fin resevwa rapò Gwoup travay pou peyi a, ki te kreye an fevriye dènyè.
Gwoup sa te la nan objektif pou li soutni evantyèl pwosesis elektoral nan rejyon an. Selon Òganizasyon leta Ameriken (OEA) an ki gen ladan Òganizasyon Panameriken Sante (OPS) ak Enstiti Entèrameriken Koperasyon pou Agrikilti (IICA) yo te deja aksepte kolabore avèk Gwoup travay nan pwochenn mwa selon twit Òganizasyon Leta Ameriken yo.
Konsèy pèmanan nan OEA di li : «apresye rezilta travay gwoup yo reyalize ki konpoze 14 Eta manm ki soutni avèk egzekitif lan. Yo prezante yon rapò detaye nan sekirite ak èd imanitè.»
Rapò a vle soutni Eta ki manm yo epi obsèvatè pèmanan nan òganizasyon Leta Ameriken an ta dwe ankouraje ak entegre, pote nouvote, konplete epi kwònode jefò yo avèk lòt aktè yo nan objektif pou founi Asistans epi soutyen Ideyal ak pèp Ayisyen an.
Anbasadè nan Trinite ak Tobago nan Òganizasyon Leta Ameriken epi chèf Gwoup travay pou Ayiti, Anthony Phillips-Spencer soulinye objektif prensipal rapò sa se founi enfòmasyon avèk leta yo nan domèn ki bezwen èd ak soutyen imedya, tankou sekirite ak demokrasi.
«Gen nesesite pou voye yon èd imanitè ak elektoral pou òganize eleksyon lib ak nòmal la» selon deklarasyon Phillips-Spencer.
Anbasadè Ameriken avèk Òganizasyon Leta Ameriken, Frank Moral deklare «Nou nan yon nesesite èd epi angajman djanm pou nou pousib dyalòg nan objektif pou jwenn èd pou Ayiti.»
Atik sa se pwopriyete prive ©️ Gwoup Medya MAGHAITI 2023
