Plizyè nèg ak zam t ap mennen operasyon nan 3èm sikonskripsyon Matisan jounen jodi samdi 18 mas 2023 a, kote yo rive kidnape 2 moun. Non moun sa yo se Déco Brisson ak Wesly Leriche, yo se moun Leyogann.
Fenomèn kidnapin nan pa sispann fè ravay nan zòn Metwopolitèn Pòtoprens lan, kote nèg ak zam pa sispann leve moun pou mande lajan. Aprè Kidnapin, Direktè Radyo RCH2000, fwa sa se moman pa lòt endividi sila yo.
Alòske gen plizyè mwa, bandi nan zòn Matisan ta sispann tire nan mitan yo epi kanpe zak kidnapin nan antre Gran Sid la, poutan, Déco Brisson ak Wesly Leriche ajoute nan lis moun ki kidnape nan peyi an jounen jodia.
N ap raple Premye minis defakto Ariel Henry te anonse nan kad vizit li te fè nan Fòs lame Dayiti an ayè vandredo an :
«M pral mobilize lame ak Lapolis dèyè bandi ki panse yo se mèt ak Senyè nan plizyè zòn»
Atik sa se pwopriyete prive ©️ Gwoup Medya MAGHAITI 2023
Discussion about this post