Wilson Media Vida se non yon migran Ayisyen ki rive pèdi lavi l jodi samedi 18 mas la, nan zòn Constanza, Repiblik dominiken. Aksyon sa ta pase aprè goumen te mete pye kote 4 lòt migran ayisyen sòti blese pami 6 moun ki t ap goumen yo, daprè Listín Diario.
Selon detay jounal la bay se 6 migran ayisyen ki te gen problèm jouskaske goumen met pye, kote Wilson M.Vida rive mouri epi 4 pami yo blese ak yon kouto ki gen fòm manchèt ki mezire 27 pous, men pou kounya, otorite konsène yo pa gen okenn enfòmasyon sou kisa ki ta mennen ak ensidan majè sa.
Paralèlman, lapolis dominiken anonse yo arete Carlos Casos, Hanser Pierre, ak Ivon Aguch ki yo menm pa t gen papye legal sou yo, epi ki ta enplike nan lanmò ayisyen an.
Yon lòt bò, selon rezilta medsen lejis, Yéssica Báez ki t ap egzaminen ka Wilson lan ak 3 moun otorite dominiken yo arete yo, yo chak la rive blese plizyè kote. Carlos blese nan men goch ak nan fontenn, Hanser li menm blese anba bra l, epi Ivon blese nan men goch, bò figi dwat li, nan omoplat dwat li ak nan men dwat li.
Pou sa ki gen pou wè ak defen an, rapò medsen a fè konnen li rive pèdi lavi l akòz yon chòk ipovolemik ki fè referans ak plizyè kout kouto li pran nan divès pati nan kò l.
Atik sa se pwopriyete prive ©️ Gwoup Medya MAGHAITI 2023
