Plizyè nèg ak zam antre byen bonè anndan fakilte Agwonomi ak Medsin veterinè (FAMV) Damyen, samdi 18 mas 2023, nan Laplenn lan, kote yo rive ale avèk yon machin enstitisyon sa.
Machin sa se yon «Toyota Landcruiser» koulè blanch. Prezime bandi yo rive ale avèk li pandan yo te rive franchi Antite sa.
«Dwayen fakilte FAMV, mande konkou lapolis prese, prese pou yo ka rive sekirize espas fakilte a nan lide pou yo ka anpeche bandi antre vin vòlè bagay anndan li ankò», selon sa Jocelyn Louissaint ekri.
Se gwoup gang «Chen Mechan» ak «400 Mawozo» k ap feraye nan zòn laplenn lan. Malgre Lapolis kontinye ap mennen operasyon nan zòn sa, nan objektif pou yo ka tabli lapè nan komin Kwadèboukè.
Atik sa se pwopriyete prive ©️ Gwoup Medya MAGHAITI 2023
Discussion about this post