Nan yon rapò Diaro libre sòti jounen jodi jedi 29 Septanm 2022 a, selon militè Kò Espesyalize k ap Sekirize Fwontyè dominiken (CESFRONT), li pa aksepte okenn moto k ap sòti Ayiti antre sou fwontyè akoz plizyè chofè ap achte gaz pou y al revann sou mache enfòmèl Ayisyen an.
Depi plizyè semenn peyi ap konnen yon kriz gaz, akoz gaz la pa disponib vre nan ponp gazolin yo, kidonk sa pouse anpil chofè moto ale sou fwontyè pou chèche gaz.
Pandanstan, desizyon sa pran nan objektif pou evite gen twòp moun anba ponp yo nan peyi Sendomeng epi pou penmèt moun k ap viv nan peyi a kapab benefisye sibvansyon prezidan an mete pou ti bout tan gaz la monte sou mache entènasyonal la.
Mezi sa antre nan kad disposisyon leta dominiken mete pou pwoteje fwontyè li parapò avèk sitiyasyon ensekirite k ap ravaje an Ayiti epi monte gwoup gang yo.
Sekirite Fwontyè Dominiken an vle ranfòse pi plis pou anpeche zak krim fèt sou teritwa a, pandanstan plizyè mobilizasyon ap fèt kont monte gaz nan peyi a. Anplis, lòt pwoblèm peyi Dayiti ap konnen sitou pwoblèm ekonomik ak sosyal epi politik.
yahoo.news
Atik sa se pwopriyete prive ©️ Gwoup Medya MAGHAITI 2022
World
Discussion about this post