Plizyè machandiz ak materyèl pran dife maten lendi 12 jen 2023 a, kote yon gwo pati nan «marché 2000» la pran dife nan komin Dèlma, men pèsonn poko ka rive idantifye egzakteman sa ki lakoz dife a epi bay kantite defisi sila yo ki viktim yo fè, selon sa medya Radio Sans Fin rapòte.
Malgre sèvis ponpye ak popilasyon an te rive nan espas la, gwo dife sa poko ka rive etenn akoz manke dlo ase pou touye li. Anplis, anpil dega gentan anrejistre parapò selon sa nou wè nan imaj k ap sikile sou Entènèt la. Pandanstan, kèk machann te tou pwofite ranmase kèk ti grenn machandiz ki pa boule epi kouri sòti avèk yo.
N ap raple pa gen twò lontan
Mache Chada nan komin Petyonvil te pran dife nan dat 4 me 2023, kote plizyè machandiz ak depo te rive boule.
Atik sa se pwopriyete prive ©️ Gwoup Medya MAGHAITI 2023
