Hyppolite Cliton, se non yon ansyen polisye 27èm pwomosyon nan lapolis ki jwenn arestasyon l jodi jedi 30 me 2024 la, nan komin Benè ki anndan depatman Sidès peyi a, aprè li te fin sove nan prizon penitansye Nasyonal la, selon nòt Lapolis pibliye sou paj fesbouk li.
Nan nòt sa a, Lapolis Nasyonal d Ayiti fè konnen ansyen polisye sa a te sove nan penitansye Nasyonal nan moman gwoup gang “Viv Ansanm” nan te kraze prizon sa a nan dat 2 mas 2024 la.
Hypolite Clifton te kondane pou zak asasina, tantativ asasinen moun, sove nan prizon epi prezime koupab nan zak asasinay sou prezidan Jovenel Moïse.
Pou fini, Lapolis nan Sidès di l ap kontinye travay nan objektif pou arete tout moun ki sove nan prizon yo sou baz yon avi rechèch enstitisyon lapolis la te pibliye kont moun sa yo.
Atik sa se pwopriyete prive ©️ Gwoup Medya MAGHAITI 2024
