Ayè vandredi 24 fevriye 2023 a, lapolis nan depatman Nò arete yon jèn gason 31 an ki rele Bendjy Chéry, poutèt li fè tèt li pase pou doktè nan Okap epi bay moun fo papye medikal selon Polis Nasyonal Dayiti.
Anvan li te konn itilize non Gilles oswa Peter, poutan bon non li se Bendjy Chéry. Li te konn fè tèt li pase pou ajan vwayaj pou li pran kòb moun epi mawon.
Nan moman n ap ekri la, gen plis pase 17 plent ki te depoze kont fo doktè sa nan depatman vil Okap, kote lapolis rive mete l anba kod aprè yo t ap chèche l san rete.
Pou kounya prezime koupab Bendjy Chéry, dèyè bawo lajistis annatandan tout suivi nesesè fèt sou sa yo repwoche li yo.
Atik sa se pwopriyete prive ©️ Gwoup Medya MAGHAITI 2023
