Yon jij nan distrik ameriken kondane pou 5 lane Jocelyn Dor ayè mèkredi 28 fevriye 2024 la, poutèt li te enplike nan voye zam bay chèf gang 400 mawozo a, Germine Joly alyas Yonyon. Mete sou sa selon Miami Herald, Jij Jhon Bates kondane sitwayen ayisyen an pou l pase 3 lane lib men anba gwo siveyans, puiske li te dakò plede koupab nan kad moun ki vyole lalwa amerikèn yo sou ekspòtasyon.
Otorite yo fè konnen Dor te gentan achete 10 fizi otomatik nan dat 18 pou rive 21 septanm 2021 an pou te voye an Ayiti. “Li te achte
fizi li yo gras ak fo dokiman. E l te resevwa plizyè milye dola vèt nan divès transfè ko konspiratè l yo konn fè pou l te peye yo“, Daprè sa jounal floridyen an rapòte.
Fizi Riley defans Rak-47, fizi Century arms AK-47, barrett 82A1 kalib 50, yon springfield Armory M1A, se pami gwo zam puisan li te achte yo. Pwokirè ameriken yo revele yon lòt kote, gen pou pi piti 24 zam ak bal akize ki Florid yo te tante voye kote gen nan yo ki te gentan voye Ayiti sou non gang 400 mawozo a.
N ap raple, nan kad dosye zam sa otorite polisyè ameriken yo te arete Jocelyn Dor ak tout zam li te achte pou ekspòte nan peyi a. Pou sa k konsène lòt akize yo ki plede koupab Nou jwenn Walder Saint-Louis, chèf gang Yonyon ak madanm li Eliande Tunis ki yo 2 a ta dwe jwenn santans yo 8 me 2024 la. Se yo menm tou, selon yon ankèt Biwo Federal Envestigasyon(FBI) ki te enplike nan kidnape 16 sitwayen yo ak yon kanadyen nan mwa oktòb 2021 an.
Atik sa se pwopriyete prive ©️ Gwoup Medya MAGHAITI 2024
