Komisè gouvènman vil Jakmèl la, Lionel Cherisma ak tout polisye Loucas Marckenson ki t ap ba l sekirite, pèdi lavi yo nan aprèmidi vandredi 15 septanm 2023 a, nan yon aksidan yo fè nan Lewogann nan zòn Lakil. Selon enfòmasyon sendika lapolis la bay, se ta yon trelè ki pase pran machin viktim yo te ladan l la.
Plizyè imaj k ap sikile sou rezo sosyo yo montre klè kadav komisè gouvènman Jakmèl la ak tout polisye Loucas ki rive viktim nan aksidan sila. Alòske lòt imaj yo montre tou fason machin komisè a kraze.
Selon SYNAPOHA, polisye Loucas Marckenson ki pèdi lavi l nan sitiyasyon sila se te yon ajan Unite Depatmantal pou Mete lòd(UDMO) ki te sòti nan 27yèm pwomosyon lapolis la.
Pou kounya, okenn lòt enfòmasyon pa disponib pou ta konnen si chofè trelè a pa viktim tou nan bò pa li.
