Jodi vandredi 4 novanm 2022 a. Plizyè otorite Ameriken ak kanadyen anonse yo pran sanksyon kont Joseph Lambert ak Youri Latortue, paske yo abitye bay gang yo lajan ak kèk lòt vye pratik ilegal k ap fèt nan peyi dayiti.
Daprè otorite kanadyen yo, Youri Latortue ak Joseph Lambert sanble itilize pozisyon yo nan zafè piblik yo pou pwoteje epi penmèt aktivite gang yo toujou mache ak
blanchi lajan, komès dwòg epi lòt zak koripsyon.
“Nou enpoze sanksyon sou kèk elit politik ayisyen k ap ede gang yo opere ak lajan yo. Kanada p ap rete bwa kwaze, pandan y ap teworize popilasyon Ayisyen nan sa ki ka debouche nan yon kriz imanitè”. Deklarasyon minis afè Etranjè kanadyen an, Melanie Joly sou Twitè
Pami Sanksyon yo, ansyen Senatè ak nouvo senatè p ap gen dwa antre nan peyi Etazini ni Kanada. Entèdiksyon pou yo transaksyon ak lajan yo epi y ap bloke tout sa yo posede nan peyi sa yo.
“Senatè Ayisyen Joseph Lambert pa otorize pou li antre Etazini akoz aktivite koripsyon l ap mennen epi vyole ak klè dwa moun. Peyi Etazini ap kontinye epi sanksyone tout moun ki lakoz enstabilite ak anpeche demokrasi an Ayiti” deklarasyon Antony Bliken, reprezantan Gouvènman Ameriken an sou Twitè
Aprè Youri Latortue ak Joseph Lambert, Kanada anonse l ap pran lòt sanksyon kont tout lòt moun ak lòt antite ki koupab nan zafè ensekirite nan peyi Dayiti.
Atik sa se pwopriyete prive ©️ Gwoup Medya MAGHAITI 2022
Discussion about this post