Nan yon rapò Òganizasyon Migrasyon Entènasyonal (OIM) sòti lendi 13 me 2024 la, yo fè konnen nan ane 2023 a gen 216000 migran ayisyen ki tounen vin Ayiti. Selon yo, moun sa yo sòti nan divès peyi men pifò te Repiblik Dominikèn.
«Anpil migran retounen aprè yo te fè plizyè mwa oubyen ane deyò Ayiti, yo fè fas ak difikilte pou byen antre nan sistèm kominote yo te ye a».
Pou sa a ki gade divès peyi migran sa yo kite yo, yo presize gen 208169 Ayisyen ki kite Repiblik Dominikèn, 3338 sòti «Turks and Caicos», 2021 sòti Bahamas, 1862 kite Etazini, 751 sòti Kiba, 463 lòt sòti Tiki epi 73 ki te kite Jamayik.
Yon lòt kote, yo soulinye 90 % nan chif moun sa yo vini pou kont yo alòske lòt 10 % an vini ak manm fanmi yo. Yo di tou, pousantaj moun ki kite Repiblik Dominikèn yo pi wo pase tout lòt peyi yo.
Nan rapò sa a, OIM montre 83% moun ki kite Repiblik Dominikèn yo retounen nan depatman Lwès, Sant ak Sidès epi Nòdès. Pou lòt peyi yo, migran Ayisyen yo antre pou ale nan Nò ak Nòdwès.
Atik sa se pwopriyete prive © Gwoup Medya MAGHAITI 2024
