Aprè latwoublay yo mete nan zòn Kafou, Gresye ak lòt zòn sou kote yo. Bandi ak zam asasinen ayè lendi 13 me 2024 la, polisye Jean Danas. Selon enfòmasyon Sendika Nasyonal lapolis la (SYNAPOHA) pataje sou kont X (Twitter) li, li fè konnen endividi ak zam yo ale avèk kò polisye a aprè yo fin touye l.
“SYNAPOHA konfime nèg ak zam nan Kafou touye ak bal, epi pote ale kò polisye Jean Danas, sa pase nan lannwit lendi 13 me 2024 la nan Kot Plaj 20 komin Kafou“, se sa responsab yo di sou dosye lanmò a. Yo soulinye, Danas se ajan 3, li te nan 22yèm pwomosyon lapolis la epi li te afekte nan Kò Brigad Entèvansyon Motorize (CBIM).
N ap soulinye, pou 5 premye mwa ane 2024 la anviwon 18 polisye tonbe anba bal bandi. Junior Marion, Monode Etienne, Espéra Pierre, Luciana Pierre, Guilliamson Jean-Baptiste, Pautrace Resula, Fritz Pierre Chenet, Barbara Fécu se pami plizyè ajan PNH la ki pèdi lavi yo pou ane a.
Atik sa se pwopriyete prive © Gwoup Medya MAGHAITI 2024
