Depatman leta Ameriken an anonse jounen yè lendi 8 avril 2024 la, vòl k ap vin chèche sitwayen ameriken yo ap sispann nan dat 12 Avril k ap vini la.
Sitiyasyon sekirite an Ayiti lakoz divès anbasadè ak manm pèsonèl administratif etranje yo kite peyi a sitou sitwayen Ameriken k ap viv nan peyi a. Anplis, divès sòlda Ameriken oblije ap siveye anbasad yo a.
«Sekretè d eta Ameriken an te diskite ak prezidan Luis Abinader, li menm remèsye li paske li te resevwa plizyè sitwayen ak fanmi Ameriken Lakay li pou yo», selon sa a jounal Miami Herald rapòte.
Anplis, gen 17 sitwayen Ameriken ki rive kite peyi a ayè lendi 8 avril la nan aprè midi, yo te pran direksyon Repibliken, selon sa a jounal Listin Diario fè konnen.
Pou fini, gentan gen 340 sitwayen Ameriken ki rive kite Ayiti nan vòl espesyal sa yo pou pase Repiblik Dominiken jouktan yo rive Etazini. Pandan tan sa a, n ap raple n bandi te rive atake Ayewopò Entènasyonal Tousen Louvèti nan dat 6 mas 2024 ki sot pase a.
Atik sa se pwopriyete prive ©️ Gwoup Medya MAGHAITI 2023
