Valéry Lerebours tout moun konnen sou non Dj Valmix libere aprè li te jwenn arestasyon li 18 fevriye sa nan maten nan vil okay paske li pa ta onore kontra li genyen ak 2 prodiksyon nan depatman Sid peyi a.
Lapolis nasyonal selon plizyè sous te arete DJ Valmix nan èpòt Antoine Simon nan vil Okay pandan li tap vinn onore yon kontra. Yo te akize li dèske l pata met pye nan 2 pwogram li te sipoze jwe san li pa remèt kòb yo te peye li a. Yon arestasyon ki ta vini aprè lajistis ta soti 2 manda kont DJ a nan kad afè sa daprè sa Ted Actu fè konnen.
Selon plizyè sous ki bay menm vèsyon an sèlman kèk èd tan aprè arestasyon li atis la ta jwenn liberasyon li apre li te finn antann avèk konsène yo.
Nan yon videyo ki piblik sou rezo yo atis la reprezante eskiz li “pou yon dezyèm fwa ” selon sa li di ak moun Okay epi moun ki te dwe nan pwogram li pat jwe yo
Atik sa se pwopriyete prive ©️ Gwoup Medya MAGHAITI 2023
Discussion about this post