Direksyon lekòl Dwa ak Syans Ekonomik nan Okay la te reyaji ayè mèkredi 19 avril 2023 a, parapò avèk desizyon Rektora Inivèsite Leta Dayiti te pran nan objektif pou li sispann tout relasyon avèk li avèk yo selon enfòmasyon radyo ak Televizyon Galaxie pataje sou kont Twitè li.
Direksyon lekòl Dwa ak Syans Ekonomik Okay la di : «nou te rive satisfè tout egzijans Rektora Inivèsite Leta Dayiti te fè nou konsènan fonksyonman enstitisyon an. Nan sans sa nou te voye yon korespondans ale nan dat 3 avril 2023, ki t ale jwenn dirijan inivèsite Leta Dayiti a», nan sa ki ekri a.
Toujou selon sa ki ekri an : «Kòm yo te reklame pou nou pwopoze plizyè non pou asire direksyon lekòl la ak enfòmasyon akademik etidyan yo ansyen epi aktyèl, nou te finalman voye yo bay Rektora atravè yon lèt anvan sa».
Pandanstan, Direksyon lekòl Dwa ak Syans Ekonomik Okay (EDSEC) mande avèk tout moun pou yo rete trankil epi poze. Anplis yo mande pou Rektora Inivèsite Leta Dayiti resezi li epi retounen sou desizyon sila ki kapab gen enpak sou lekòl la.
N ap raple Rektora Inivèsite Leta Dayiti te pran desizyon pou li kanpe relasyon l avèk EDSEC nan dat 17 avril ki sot pase la, apati plizyè motif, tankou pwoblèm akademik ak administratif nan antite sa.
Atik sa se pwopriyete prive ©️ Gwoup Medya MAGHAITI 2023
