Anviwon 5 moun pèdi lavi yo jodi samdi 26 dawout 2023 a nan kad yon mach pastè Marco te òganize pou al fè fas kare ak prezime bandi nan zòn Kanaran. Nan sans sa, anplis moun ki mouri yo gwoup gang nan rive kidnape plizyè nan moun ki te patisipe nan aktivite sa tou.
Nan plizyè videyo k ap sikile sou rezo yo, imaj yo montre kijan gen nan fidèl pastè Marco yo ki ap benyen nan san yo, kote menm gang yo ap bay lòt moun ki ta vle defi pou vinn fè fas ak yo. Selon enfòmasyon yo, lidè legliz la te deside pran devan ak fidèl li yo manchèt nan men yon fason pou te montre yo ka konbat nèg ame yo nan Kanaran.
Mayo blan, mayo jón ak tout logo legliz la manchèt, bout baton se konsa moun sa yo ki gen nan tèt yo pastè Marco te deside al afwonte bandi jodi samedi a.
Pou kounya, pa gen okenn moun ki konnen konbyen moun vrèman ki pèdi lavi yo ni konbyen nan yo bandi yo ta rive kidnape.
Atik sa se pwopriyete prive ©️ Gwoup Medya MAGHAITI 2023
