Selon yon etid sit entènèt money.co.uk reyalize, li klase Ayiti nan lis peyi ki pi bèl sou 50 peyi nan monn lan, malgre tout kriz sosyal, politik, ekonomik, elatriye peyi sa ap konnen.
Medya sa fè Analiz pou li chwazi peyi sa yo apati kantite mèvèy natirèl li yo, zòn li yo, Koray li yo, forè twopikal li yo, elatriye.
Selon deklarasyon Sal Haqqi ki se redaktè an chèf finans pèsonèl : “Byenke bote se yon bagay sibjektif, li klè peyi sa yo gen anpil ak ofri avèk vizitè yo, nou ta ankouraje w vizite montay yo oubyen detann sou zòn kot li yo”.
Peyi endonezi klase nan tèt li pi bèl peyi akoz bèl espas li yo, sou yon eskò 7.77/10, parapò avèk bote natirèl li yo epi 17000 Zile li yo, toujou selon eksplikasyon Haqqi.
Lòt atirans natirèl ki pouse peyi Endonezi nan tèt lis la epi sa ki penmèt li antre nan Pak Nasyonal Komodo (Yon sit nan patrimwann Mondyal UNESCO), anplis ”Sumatra” ki se yon forè twopikal ak Kalimanta ki se yon lòt valè li ankò.
Dezyèm peyi ki vin nan lis lan, se Nouvèl Zeland avèk yon eskò 7.27/10, parapò ak bote natirèl li yo, tankou montay li yo, kolin li yo, elatriye. Se pa san rezon fim “Le Seigneur des anneaux” te fèt nan peyi yo.
Peyi Kolonbi vin aprè 2 lòt peyi nou site anvan yo avèk yon eskò 7.6/10, puiske li genyen yon long litoral epi divès peyizaj (Amazonie aux Andes).
Malgre longè kote pasifik ak Atlantik yo, epi plizyè atraksyon natirèl li yo ak pak Nasyonal li yo, elatriye. Peyi Etazini pa fè pati 10 pi bèl peyi yo nan monn lan, li fè yon nòt 6.04/10, epi klase an 12e rang nan 50 peyi yo, poutan peyi Meksik avèk Lafrans vin anvan.
Si n ap suiv kijan medya sa prezante lòt peyi yo Ayiti nan 48e plas avan Panama ak Syèd ki pran dènye plas la.
Si n pran site kèk peyi ki nan lis 50 pi bèl peyi yo :
Endonezi
Nouvèl Zeland
Konlonbi
Tanzani
Meksik
Kenya
End
Lafrans
Atik sa se pwopriyete prive ©️ Gwoup Medya MAGHAITI 2022
World
Discussion about this post