Konpayi Telefonn Mobil Digicel atravè yon kominike l pibliye lendi 01 Dawout 2022, li anonse yon lòt fwa li pral ogmante pri sèvis li yo, akoz konjonkti ekonomik aktyèl nan peyi a epi atravè monn lan.
Toujou nan menm nòt sa, Digicel fè nou konnen sitiyasyon ekonomik peyi a epi atravè monn lan, oblije li monte pri sèvis li yo nan objektif pou li ka kontinye kenbe ak respekte angajman li parapò avèk kliyan yo.
Anplis chanjman taks yo, divès alokasyon yo, tankou minit ak entènèt yo epi nouvo plan yo tout pral sibi konsekans ogmantasyon yo, selon Nòt konpayi Digicel la. Paralèlman, chanjman ak modifikasyon pri sa yo pral demare nan 01 Septanm 2022, ki pral reflete sou fakti an Septanm epi efektye an Oktòb 2022.
Divès detay espesifik ap vin sou kont nou apati yon kominike oubyen kouryèl nan 30 Dawout 2022, k ap enfòme n sou telefonn nou, presizeman chanjman sa yo p ap konsène Sila yo ki nan prepeye yo nan konpayi Digicel la.
Atik sa se pwopriyete prive ©️ Gwoup Medya MAGHAITI 2022
World
Discussion about this post