Yè jedi 14 Jiyè 2022 a, yon gwo flanm dife te pran nan lannuit akoz plizyè gwo
Rezèvwa gaz ki te kache nan yon kay nan vil Senmak, presizeman nan ri Elvi, selon Artibo Media.
Medya sa a ta fè konnen : ” Potko gen prezans ponpye ki pou te vin etenn dife a, men se te sanse dilijans popilasyon an ki te eseye fè yon bagay ak sa. Sa ki ta lakoz yon bilan pwovizwa 2 kay ki ta sanse boule ak kèk lòt moun ankò”.
Sila sa yo ki boule a te rive kouri al nan lopital Sen Nikola pou yo t al pran laswenyay, ladan yo te gen 3 timoun piti ki te boule akoz yo te fèmen nan yon kay, anplis plizyè lòt moun ankò.
Pratik sere gaz ankachèt anndan kay ak sou do kay la pa sispann lakoz gwo ensandi nan kèk vil ak lokalite, anplis boule kèk moun epi touye yo tou. Si n ap raple kokennchenn dife ki te pran nan Okap akoz machin gaz la te fè aksidan epi plizyè moun te eseye pran pou y al revann, alòske dife te vin pran ak lakoz plizyè kay ak moun te pèdi lavi yo.
Atik sa se pwopriyete prive ©️ Gwoup Medya MAGHAITI 2022
World
Discussion about this post