Kèk zonn nan komin Dèlma, presizeman Dèlma 19 jiska wout aryopò te leve kanpe jounen jedi 14 Jiyè 2022, nan objektif denonse ratman ak ogmantasyon pri gaz sou mache enfòmèl la. Kote chofè moto yo ak popilasyon an te mete barikad yo, boule kawoutchou epi kalonnen kout wòch jouk yo te rive bloke lari a pou machin pa sikile.
Nan maten byen bonè plizyè moun te remake yon manifestasyon ki t ap debouche sou Dèlma 19 la, kote kèk sila sa yo te oblije kase tèt tounen, selon Ajans anliy LE FACTEUR.
Youn nan mobilizatè yo te fè konnen:” Nou la jodia ankò pou n ka eksprime fristrasyon parapò ak zak gwo ponyèt ki se monte pri gaz ak kreye rate nan ponp yo. Gaz la disponib, poutan ponpis yo derefize vann ak nou nan pri nou abitye achte li a. Yo prefere vann li ankachèt, sitou nan lannuit ak pri 1500 goud chak galon”.
Polisye t ap eseye kraze manifestasyon nan Dèlma 19 la, men pwotestatè yo pa te neglije tire kouch wòch sou yo. Finalman, polisye sa yo te oblije bay yo vag parapò ak rezistans yo.
Nan moman dewoulman manifestasyon an kèk chofè moto te vin ak kagoul epi plase barikad yo ak mete kawoutchou sou vwa piblik la. Tout sa selon yo, enskri nan demach pou fòse leta ak pwopriyetè ponp gaz yo vann nou pwodui sa jan sa te konn ye anvan, deklarasyon youn nan yo selon Ajans anliy LE FACTEUR.
Atik sa se pwopriyete prive ©️ Gwoup Medya MAGHAITI 2022
World
Discussion about this post