Yè jedi 14 jiyè 2022 a, reprezantan konsèy Nasyonzini an te vote sou yon rezolisyon ki anvizaje kondane peyi Larisi pou atak li fè sou Ikrèn nan dat vandredi 25 Fevriye 2022 a, selon medya VOA.
Anplis, Lachin te tou pwofite mande konsèy Sekirite Nasyonzini mete yon anbago kont zam k ap rantre an Ayiti ak pran gwo sanksyon endivyèl kont chèf gang yo epi mande entèvansyon prezans polis rejyonal an Ayiti pou rezoud kesyon ensekirite a, daprè sous diplomatik AFP (Agence France Presse).
Ansanm mezi sa yo ta dwe enskri nan misyon politik renouvèlman Biwo Entegrasyon Nasyonzini an Ayiti (BINUH), puiske manda li ta sipoze ekspire vandredi 15 Jiyè 2022 a.
Toujou selon menm sous AFP, peyi ki responsab pou dosye konsèy sekirite a, Etazini ak Meksik pa te anvizaje ale lwen nan premye pwojè rezolisyon yo te prezante a, pandan negosyasyon ak lòt manm yo sou sijè sa. Poutan, sanksyon yo anvizaje se ta pito entèdi ak bloke vwayaj yo.
Konsèy la te gen yon vòt ki te prevwa pou mèkredi ayè a, men yo te ranvwaye dat la epi voye li pou vandredi sa san yo pa mansyone egzakteman ak kilè.
Nan kad dosye Ayiti a, Peken fin tounen yon aktè kle nan ane ki sot pase nan Nasyonzini, presizeman akoz Lachin kominis pa kontan Ayiti rekonèt Taïwan olye li menm ofisyèlman. Puiske, lane dènye Peken te rejte tout lyen li ak peyi Taïwan epi li pa te deside mete dlo nan Bouch li pou l denonse ak atire fokis li sou Ayiti, li konsidere kou yon peyi k ap rantre pi fon nan twou akoz kriz polik ak ekonomik, malgre pakèt asistans entènasyonal li yo epi angajman Nasyonzini pran nan peyi sa. Gen tout yon operasyon lapè ak kas ble yo te mennen an Ayiti.
Selon sa yon sous diplomatik chinwa te di ak AFP, malgre li poze kondisyon pou yo pa site non li: ” Fòk nou lite kont Trafik zam an Ayiti a, pouse otorite politik yo souke kò yo epi menase yo pou pran sanksyon Jidisyè kont moun ki responsab zak vyolans yo”.
Atik sa se pwopriyete prive ©️ Gwoup Medya MAGHAITI 2022
World
Discussion about this post