Ansyen minis jistis, Paul Denis, mouri nan laj 81 lane jodi lendi 11 mas 2024 la, nan depatman Sid, presizeman Pòsali. Se ta yon malèz ki te pral lakòz tansyon li te monte 14*8, selon konfimasyon ansyen majistra Yvon Chery.
Paul Denis se te ansyen minis sou gouvènman René Préval nan peryòd Novanm 2009 pou rive Jen 2011. Li se tou, ansyen Senatè, ansyen kandida pou pòs prezidan nan lane 2006, manm fondatè pati Politik Òganizasyon Pèp k ap Lite (OPL), INITE, INIFOS elatriye.
Nonm politik la, te pral kreye nouvo pati politik Inifòs nan dat 30 Avril 2019, aprè li te fin kite pati INITE, ki te non ansyen pati «Front de l’espoir», ki se aktyèlman sinyatè Akò 21 Desanm nan.
Pandanstan, n ap raple ansyen militan politik la te gen non li site kòm moun ki te patisipe nan konplo pou te ansasinen ansyen prezidan Jovenel Moïse. Men non l ta pral blanchi tousuit aprè òdonans jij Walter Wesser Voltaire a te sòti nan mwa fevriye ki sot pase la.
Atik sa se pwopriyete prive ©️ Gwoup Medya MAGHAITI 2024
