Edwine Tonton ki se aktyèl Direktè Kès Asistans Sosyal (CAS) la, gen mezi entèdiksyon pou li kite peyi a akoz dosye koripsyon ki sou do li.
Daprè ankèt nan dat 5 mas 2023 a, Inite Lit Kont Koripsyon (ULCC) te site non Edwine Tonton ak Pierre Richard Vales epi Yvrose Alcide nan kad plizyè zak koripsyon yo ta komèt, sa ki te pral penmèt yo transfere dosye sa nan kabinè Enstriksyon.
Selon korespondans majistra Enstriksyon an Jean Wilner Morin ekri avèk imigrasyon isit : «Direktè CAS la avèk chèf kontab Pierre Richard Vales epi Yvrose Alcide gen pou akizasyon plizyè chaj tankou detounman byen piblik, trafik enfliyans, Asosyasyon malfektè ak fè lajan mal epi itilize fo siyati nan enstitisyon an.»
N ap raple Inite Lit Kont Koripsyon (ULCC) te revele 11 jiyè 2021 an Dominique Hector Bernardin te itilize yon fo kopi atestasyon ak matrikil fiskal pou li te voye bay Ministè Afè Sosyal ak Travay sou non òganizasyon «OCHAN- HAITI», kote li te pral resevwa 100 mil goud sou non li pandan direksyon Frantz Ideris nan dat 18 septanm 2021, alòske li pa fè pati manm òganizasyon an.
Atik sa se pwopriyete prive ©️ Gwoup Medya MAGHAITI 2023
