Unibank ak Le Nouvelliste anonse yè madi 23 avril 2024 la, yo voye pou yon lòt dat 39èm edisyon «Livres en folie» ki te dwe fèt 30 avril 2024 k ap vini la a.
«Edisyon sa a ki t ap 30èm edisyon an oblije kanpe san n pa ka di kilè egzak n ap fè li akoz gen twòp ensètitid», se sa Max Chauvet deklare nan jounal Le Nouvelliste.
Depi 1995, chak ane nan dat fèt Dye, yo toujou konsakre l ak yon fwa liv, kote tout ekriven ayisyen kou etranje rankontre ak lektè yo osnon piblik yo nan yon anbyans san parèy. Men, sitiyasyon peyi a pote anpil enkyetid pou sa a rive fèt.
« Depi plizyè mwa, n ap kesyone epi n ap evalye. Jodi a nou vrèman devan yon evidans, ekriven yo ak mezon edisyon yo pa menm an mezi pou pwopoze nouvo tit. Nan ka sa a, nou pa menm ka ap tann yo ap depoze, menm konn kote n ap jwenn ansyen estòk liv nou yo. Anplis, piblik Ayisyen an tou gen lòt preyokipasyon. Kidonk, 30èm edisyon an ap tann bon jou k ap vini yo», se sa Max Chauvet ajoute.
N ap raple n mèkredi 17 avril ki sot pase la, bandi ak zam te rantre nan Bibliyotèk Nasyonal d Ayiti, yo te vòlè divès kalte materyèl ak dokiman ki la depi plis pase 200 an. Li enpòtan pou n konnen, se yon espas ki te bay plizyè jenn fanm ak jenn gason kote pou yo fè lekti ak rechèch nan peyi a.
Atik sa se pwopriyete prive © Gwoup Medya MAGHAITI 2024
