Prezidan Dominiken an, Luis Abinader, retounen sou deklarasyon senatè ameriken an, Marcos Rubio, jounen jodi lendi 22 avril 2024 la. Li voye jete deklarasyon ki ta fè kwè peyi l ap sibi presyon nan men prezidan Joe Biden pou li ta resevwa migran Ayisyen yo, selon sa a jounal Listin Diario rapòte. Prezidan an te fè deklarasyon sa a nan espas Semanal (Santiago de los Cabelleros).
Jounalis la fè n konnen prezidan an te kontinye pou li di li apresye enkyetid palmantè Repibliken yo, men prezidan Joe Biden pa t janm fè presyon sou yo nan sa ki gen pou wè ak dosye migran ayisyen yo.
« Nou pa t resevwa okenn presyon, nou pa t ap aksepte sa tou. Nou remèsye senatè Marcos Rubio pou enkyetid li, men prezidan Biden ak mezon blanch pa t janm fè presyon dirèk sou nou, yo toujou montre n respè yo», se sa a prezidan Luis Abinader ajoute.
Pou fini, prezidan Dominiken an te atire atansyon n sou kèk nan wòl li nan tèt peyi l ki se fè respekte lalwa sou koze imigrasyon epi respekte konstitisyon peyi l.
Atik sa se pwopriyete prive © Gwoup Medya MAGHAITI 2024
