Jounen jodi vandredi 29 mas 2024 la, yon ajan 2 nan Lapolis la ak yon ansyen chèf sekirite Konsèy Elektoral Prezidansyèl mouri pandan aprè midi an. Yo jwenn lanmò yo sou wout Mibalè a akòz yo te pral achte bal ak minisyon pou bandi, selon videyo k ap sikile sou rezo sosyal yo.
Aprè Lapolis te fin metrize prezime asasen yo, popilasyon an te pral fè presyon jouk yo rive touye polisye ajan 2 sa ki se Alexandre Ananel epi ansyen sekirite KEP a, Muscat Michelet.
Nan fouye, lapolis jwenn anviwon 5 milyon dola ayisyen sou yo, lajan sa se ta pou yo ale achte minisyon ak bal pou bandi nan Kanaran yo nan zòn Repiblik Dominikèn jounen jodi vandredi Sen an.
Muscat Michelet, se te chef sekirite vis prezidan konsèy Elektoral Prezidansyèl la alòske Alexandre Ananel, se ajan 2 nan inite Brigad Entèvansyon Motorize (BIM) nan Lapolis. N ap raple pandanstan Lapolis te touye ansyen polisye Erns Julmé alyas Ti Grèg nan dat 21 mas ki sot pase la.
© Tous droits réservés – Groupe Média MAGHAITI 2024
