Loscadet Germain se yon jèn gason 22 lane papa li touye avèk yon kout kouto nan lannuit 28 mas pou rive 29 mas 2023, nan yon lokalite ki rele «Ka Leyon», presizeman nan komin Ansagalè, selon sa medya La Nouvelle rapòte.
«Papa viktim lan te nan diskisyon avèk manman li, men diskisyon an te kòmanse pèdi kontwòl. Se sa k te pral lakoz zak sa aprè», selon deklarasyon plizyè temwen nan lokalite a.
Lorscadet Germain ta pral pran kout kouto sa nan men papa li, akoz li te vle kalme tansyon nan mitan 2 moun yo.
«Prezime asasen an, Loreus Germain, te pral mete vwal nan zèl li epi kouri vit kite lokalite li komèt zak sa pou l al mawon. Kote li kite tout moun dlo nan je aprè zak asasina sou pitit gason li ki gen 22 an» selon sa medya la Nouvelle fè konnen anplis sou dosye a.
Atik sa se pwopriyete prive ©️ Gwoup Medya MAGHAITI 2023
