Yon jèn gason ki pote non Bicha mouri anba bal ak yon lòt ki rele Guito alyas Gwo wòch blese jounen jodi jedi 22 septanm lan, nan afwontman avèk lapolis nan vil Ench.
Selon enfòmasyon yon moun nan vil la te bay avèk nou, li te rakonte kijan sa te pase, se pandan lapolis t ap eseye retire yon vye po bis moun yo te soude sou pon vensan an ki te sèvi kòm Barikad pandan plizyè jou.
Alòske yon gwoup moun yo pa te rive idantifye te pwofite mete dife nan yon ponp gaz epi kraze ak kout wòch yon ba ak restoran ki pa gen anpil tan depi li ouvri.
Daprè enfòmasyon moun nan vil la te bay: «Ni ponp gaz la, ni ba yo kraze ak kout wòch la, se pou ansyen Senatè Rony Celestin».
N ap raple sa fè plizyè jou depi divès kote nan vil Ench bloke ak barikad, sitou lokalite ki mennen sou wout nasyonal yo. Sitiyasyon sa te rive akoz moun yo t ap pwoteste kont lavi chè, ratman gaz elatriye.
Crédit: Haiti-Reference
Atik sa se pwopriyete prive ©️ Gwoup Medya MAGHAITI 2022
World
Discussion about this post