Yon lòt fwa ankò, gwoup “Sweet Micky” ki gen nan tèt li ansyen prezidan Michel Joseph Martelly, p ap kapab pèfòme nan yon bal ki te gen pou fèt nan dat 2 jiyè 2022, Boston nan peyi Etazini. selon sa VOA Kreyòl revele jodia.
Aprè yo te fini anile bal ki te gen pou fèt nan “Miami” ak peyi Lafrans epi nan peyi Kanada, Ebyen nou aprann pwopriyete biznis kote bal Sweet Micky a te pwograme pou 2 Jiyè a, li chwazi anile bal sa.
Gwoup “Sweet Micky” te sipoze jwe nan “The Perfect Place”. Ebyen pwopriyetè biznis ki se Fred Fontaine, anile aktivite a:
“Se pa politikman m anile li, se yon desizyon mwen pran pou biznis mwen. Vizyon an p ap akonpli pou fèt la fèt”, se sa li deklare ak VOA Kreyòl jodi madi 21 jen an.
Menm jan ak semenn pase a, kote anpil ayisyen te pouse do Michel Martelly nan zonn “La Courneuve” ki retwouve li nan rejyon “Île de France”, kidonk jounen jodia nou aprann ankò atis la p ap kapab pèfòme ak gwoup li nan Boston pou dat 2 jiyè, Jan sa te pwograme.
Atik sa se pwopriyete prive ©️ Gwoup Medya MAGHAITI 2022
