Aprè elimanasyon klèb Baselòn fas ak ekip PSG a nan Lig dèchanpyon ak dènyè defèt li nan Liga devan Reyal Madrid dimanch 21 avril ki sot pase a, Xavi Hernandez jwenn yon akò ansanm ak Joan Laporta pou l kontinye kontra l pou mwa jen 2025, jounen jodi mèkredi 25 avril 2024, selon jounalis Fabrizio Romano.
« Desizyon sa a pran aprè m te fin diskite avèk prezidan Laporta epi direktè Déco yèswa », Se sa jounalis Fabrizio ekri nan sa k gen pou wè ak dosye Xavi a.
Antrenè a te di, nan dat 28 janvye 2024 la, l ap kite ekip la aprè sezon an fini, men jodi a li deside retounen sou desizyon sa a epi siyen yon akò ak direksyon ekip la pou yon lòt sezon ankò.
« Prezidan Baselòn nan te ensiste depi plizyè mwa pou ansyen jwè Basa a chanje lide e siyen yon nouvo Akò », se sa a jounalis la Fabrizio Romano fè konnen anplis.
N ap raple, Xavi Hernandez se ansyen nimewo 6 nan ekip sa a, ak 46 an lan, li te siyen an Novanm 2021 aprè yo te fin voye antrenè Ronald Koeman ale. Li gentan chanpyon Liga ak Sipè Koup Espay sezon ki sot pase a avèk klèb la kòm antrenè.
Atik sa se pwopriyete prive © Gwoup Medya MAGHAITI 2024
