Nan yon nòt Inyon Ewopeyèn (UE) mete deyò jounen jodi lendi 15 avril 2024 la, li mande pou pouvwa anplas pibliye arete ki gen non manm konsèy prezidansyèl Tranzisyon.
«Yon aksyon kon sa a pral fasilite nominasyon yon nouvo premye minis atravè konsèy prezidansyèl Tranzisyon an», se sa a Enstans entènasyonal sa a fè konnen.
Pandan tan sa a, Ministè Kominikasyon ak Kilti sot demanti enfòmasyon k ap sikile sou rezo sosyal yo kòmkwa ta gen yon arete ki sòti ak tout non manm konsèy prezidansyèl Tranzisyon an.
N ap raple n depi vandredi 12 avril ki sot pase a, pouvwa demisyonè a te sòti nòt sou kreyasyon manm konsèy prezidansyèl Tranzisyon an, poutan li te evite mansyone non sila yo ki fè pati manm konsèy prezidansyèl Tranzisyon an. Yon dekrè ki fè anpil deba pa bò kote popilasyon an ak laprès an jeneral.
Atik sa se pwopriyete prive ©️ Gwoup Medya MAGHAITI 2024
