Nan kad 9èm Somè peyi an Amerik yo, sitou nan seyans reyinyon an, nan dat vandredi 10 jen 2022. Premye Minis defakto Ariel Henry te entèvni sou tribin lan. Li te rale kriz k ap pase an Ayiti a, tankou : vyolans gang yo, moun k ap pati kite peyi a an kantite, keseswa jenn yo oswa kad yo pou y al nan lòt peyi.
Li soulinye pou nou: ” Enstitisyon demokratik nou yo ap plonje, demen nou parèt nwè…”
Anplis, li kontinye pou l ajoute sou tribin lan: ” M ap kontinye pale ak konpatriyòt mwen yo san kanpe, jis pou yo ka eseye elaji yon chimen akò politik ant plizyè fòs politik kontradiktwa ak sektè sosyete sivil la, rale plis gwoup sosyal yo nan plan sa. Nan lide pou n retounen enstitisyon yo nan bon jan fonksyonman nòmal yo epi pou n wè kòman n ka bay pouvwa ak moun ki eli lib atravè chwa pèp ayisyen nan kad eleksyon lib ak transparan…”.
Premye Minis defakto a ajoute nan diskou a: ” M kwè n dwe mete aksan patikilyèman sou chèche solisyon konkrè ak dirab parapò ak pwoblèm yo, sitou sak pouse moun yo ak pati kite peyi a”.
An Ayiti, pwoblèm sa yo gen pou non: Mizè, chomaj, absans opòtinite pou jenn yo, divès inegalite, ensekirite epi enstabilite politik la.
Diplis, peyi pa m nan kòm tout lòt peyi nan rejyon an, bezwen anpil envestisman, kreye anplwa estab jis pou yo ka ofri jenn yo ak sila k ap pati ilegal yo anpil opòtinite epi penmèt yo gen rezon ak espere yon demen miyò nan peyi a…
Premye minis defakto a te avanse pou li di :
” Mwen kwè m nan enterè nou, puiske m nan menm espas ak nou. Mwen swete n kenbe pwòmès nou yo, ansanm n ap kapab konstrui efektivman yon demen dirab, rezilyan epi jis.”
Crédit photo: Le nouvelliste
© Tous droits réservés – Groupe Média MAGHAITI 2022
