SOGEBANK vle nou okouran gen yon lo 500 chèk ki pèdi nan Bank lan

Nan yon nòt pibliye nan dat Lendi 27 jen 2022, SOGEBANK vle popilasyon an okouran li pèdi yon lo 500 chèk anndan Bank li an.

Chèk sa yo gen pou nimewo sòti 789401 pou rive 789900, yo anile yo sou sistèm pèyman an apati jodia. Kidonk, enstitisyon bankè a evite tout kliyan yo pou verifye nimewo yo anvan yo vin retire lajan yo.

Anplis, SOGEBANK ki poko remèt atis Roody Roodboy lajan li, kote li te sibi yon zak detounman sou kont Bank li pandan plizyè jou. Yon dosye ki mete Roody Roodboy fas ak manadjè li Joslord Elmilus, kòm youn nan sispèk yo.

Pandan n ap raple nou Fevriye ki sot pase a, Bank komèsyal sa te konnen yon kokennchenn pwoblèm nan sistèm li an, kote yon endividi mal entansyone t ap eseye pirate yo. Sak te lakoz tranzaksyon anliy li yo te sispann ni aksesib pou kliyan li yo, sitou sèvis sa yo : Sogebanking, Sogebelonline, aplikasyon Sogebank, Kat debi ak kat kredi, elatriye.

Comments

commentaires