Errata: Leta ayisyen retire James Jacques ki te nan tèt konsila “Santiago” a

Ministè Dominiken afè etranje vle fè konnen ak Ministè etranje Repiblik Dayiti atravè yon nòt diplomatik, kote li voye bay Anbasad Dominiken-Pòtoprens lan,

Li mete yon nouvo chèf misyon konsilè nan “Santiago de los Caballeros” la.

Notifikasyon sa rive fèt aprè James Jacques ki se ansyen konsil Ayisyen an te denonse vandredi 24 Jen 2022, yon zak deblozay ki te pase nan yon restoran Ayisyen (Ciudad Corazón) sou yon gwoup konpatriyòt nan Repiblik Dominiken.

Nan yon kominike “Mirex”, rive endike byen avan sa te pase “Santiago” a, Ansyen Minis afè etranje Ayisyen an pa te gen pouvwa pou li te aji konsa devan otorite Dominiken yo, kidonk jounen jodia n ap tann yon nouvo ranplasan li.

Nan nòt la, gouvènman Dominiken an te deklare li rekonèt travay diplomatik ak konsilè ki te akredite a t ap efektye epi divès misyon li te genyen yo.

Pandan James Jacques minis afè etranje ranplase a, te fè yon konferans pou Laprès pou li te deklare ansanm avèk tout pwopriyetè restoran “Créole Mate L’aromate ” ak lòt konpatriyòt li yo epi ajans migrasyon yo, sòlda Dominiken yo te brake zam sou tèt yo pandan evenman sa.

Yon lòt kote, yon Dominiken orijin-Ayisyen pa te kache kòlè li epi denonse atitid rasis ak mepri ajan Dominiken yo genyen pou Ayisyen yo :
” Yo rive arete m, malgre papa m se Dominiken epi manman se Ayisyen, rezon ak paske mwen te rive pale kreyòl. Malgre madanm mwen te rive pote pyès mwen yo, men yo te trete pyès mwen yo fo epi mande m pou mwen mache ak batistè m tout tan, anplis yo egzije m viza sou paspò Dominiken ki se yon bagay san sans. Ayiti se yon espas ki vyèj pou fè biznis, domaj fenomenn kidnapin nan pa penmèt moun rete viv ladan li. Kidonk, mwen swete Ayisyen ki la yo òganize yo ak denonse zak abi y ap sibi isit la”.

Fenomenn rasis ak vyolans sou Ayisyen yo pa sispann nan peyi Dominiken, malgre se chak jou pi plis konpatriyòt nou ap pati kite peyi a pou y al evolye lòtbò dlo akoz plizyè rezon. Poutan, dirijan Ayisyen yo derefize kreye bon jan kondisyon pou penmèt Ayisyen gen anvi viv lakay yo olye y al imilye nan peyi vwazen an.

Atik sa se pwopriyete prive ©️ Gwoup Medya MAGHAITI 2022

Comments

commentaires