Depi kèk jou peyi a ap konnen yon kriz tèt chaje ladan l, kote anpil enstans ta fè konnen Ayiti ka tonbe nan yon grangou tèt chaje akòz sitiyasyon malouk sila. Nan ka sa selon Listín Diario, Sekretè Jeneral Òganizasyon Nasyonzini an, Stéphane Dujarric, fè konnen ayè jedi 14 mas 2024 la se sitwayen Ayisyen ki ka jwenn solisyon ak pwoblèm yo.
“Ayisyen yo gen tout responsabilite yo nan sa k ap pase la, nou dwe limite n nan sa y ap deside“, se fason sa li te pral reponn nan yon entèvyou ak jounal dominiken an sou kesyon absans pwogrè ak gwo dezakò ki gen ant pati politik yo pou chwazi yon moun nan konsèy prezidansyèl la.
“Pwosesis sa dwe mennen pa Ayisyen, klas politik ayisyen ak aktè sosyete sivil la dwe twouve yon meyè solisyon pou avanse, puiske deja gen yon plan sou tab la“, se sa l di pandan li t ap ensiste epi menm raple reprezantan espesyal pou peyi sa nan Karayib la, Maria Isabel Salvador, an kontak avèk tout pati yo pou aji selon sa k ap miyò pou Ayiti.
Malgre anpil kesyon te pral vini, pou ta fè kwè
Òganizasyon Nasyonzini manke pran responsabilite l epi menm montre enkapasite pou pwoteje peyi sa k ap efondre a, responsab la pa dakò sou pwen sa.
“Dujarric te pral rejte sa, li menm afime ONU ak kòlèg li yo kontinye sou teren an malgre tout risk pèsonèl li yo ap pran, bay moun manje ak swanye epi ede moun ki nan bezwen“, li te kontinye pou l avanse “se Eta manm yo ki pa bay lajan pou pèmèt yon repons imanitè an Ayiti ni pou vini fòs miltinasyonal la, pou dènyè tan sa n te pral jwenn anviwon 10 milyon dola ameriken, poutan sa vrèman pa koresponn avèk 100èn milyon n ap bezwen pou sa fèt“.
Boutofen sekretè jeneral Òganizasyon Nasyonzini an, Stéphane Dujarric, di gen yon akselerasyon ki fèt sou akò pou vini fòs polis la an Ayiti, e di li menm pase devan konsèy sekirite, puiske yo te gentan apwouve l depi mwa oktòb pase a. Sofke yo di pou kounya pi gwo pwoblèm yo se lajan, toujou selon sa jounal Listin Diario rapòte.
Atik sa se pwopriyete prive ©️ Gwoup Medya MAGHAITI 2024