Sant Meteowoloji Nasyonal Dayiti (CMNH) anonse jounen jodi samdi 3 jen 2023 a, pral gen anpil lapli pandan Wikenn lan. Li fè konnen dimanch presyon an ap fè yon diminye.
Parapò avèk kantite lapli ki pral gen pou tonbe sou Ayiti an, li vrèman posib pou lakoz anpil dega, tankou : Inondasyon, glisman ak deboulman teren, elatriye selon previzyon Sant Meteowoloji Nasyonal Dayiti (CMNH).
Li rete pou veye jiska demen dimanch ak lendi pou gade diminisyon presyon dlo a. Nan moman an pwoteksyon sivil pwofite ankouraje tout moun mete tout dokiman enpòtan yo an sekirite ak evite travèse rivyè.
N ap raple Sant Meteowoloji Nasyonal Dayiti te fè konnen Ayiti gen posibilite pou li konnen anviwon 21 siklòn sòti 1e jen pou rive 30 novanm 2023.
Crédit Photo: LaLibre.be
Atik sa se pwopriyete prive ©️ Gwoup Medya MAGHAITI 2023
