Régine Abraham se non yon figi fanm Rasanbleman pou Antant Nasyonal (REN) chwazi pou ranplase René Jean Jumeau nan konsèy tranzisyon an. Selon nòt responsab REN yo sòti nan dosye sa a, madanm nan ap nan kan obsèvatè yo.
Aprè René Jean Jumeau te fin anonse l retire tèt li nan konsèy la nan lannuit 25 mas 2024 la, kounye a la responsab yo nan pati politik (REN) chwazi Régine Abraham pou okipe plas obsèvatè a. Avèk chwa sa a, Abraham vin dezyèm fanm ki entegre Konsèy Tranzisyon an aprè Dominique Dupuy, ki li menm te chwazi kite koze sa a akòz diskriminasyon epi menas sou lavi l.
Régine Abraham gen yon diplòm nan agronomi ak nan management li gen yon metriz nan devlopman riral. Mete sou sa a li gen anviwon 15 lane ap sèvi peyi a kote l se ansyen direktris depatmantal ak Ajans Nasyonal lè Proteje(ANAP). Li te konsiltan nan kesyon anviwonman epi direktris kabinè minis anviwonman James Cadet.
© Tous droits réservés – Groupe Média MAGHAITI 2024
