Pandan li t ap patisipe nan emisyon DJ Whoo Kid reyalize ki rele “Whoolywood Shuffle“, rapè Ayisyano-ameriken an ki rele Kodak Black di li panse li te ka yon bon prezidan pou peyi Dayiti. Li fè deklarasyon sa yo nan semèn nan, pandan li t ap pale de amitye li ak Donald Trump.
Kodak Black ki gen rasin li nan peyi Dayiti fè konnen si li te prezidan peyi a li t ap mete fen nan kesyon koripsyon politik k ap ravaje ti bout tè sa. Li te pale konsa pandan li t ap pwofite montre zanmitay li genyen ak ansyen prezidan ameriken an Donald Trump.
Pandan li te nan emisyon “Whoolywood Shuffle”, li te pwofite raple li se yon moun ki genyen bon kè ak bon entansyon. Li fè konnen anpil zèv charite li konn fè se prèv bon kè li genyen an.
Atis amerikano-ayisyen an vinn pwòch Donald Trump depi lè ansyen prezidan an te deside akòde li menm ak atis Lil Wayne gras prezidansyèl. Atis la menm depanse 10 000 dola ameriken nan yon chèn ki genyen vizaj ansyen prezidan repibliken an.
Atik sa se pwopriyete prive ©️ Gwoup Medya MAGHAITI 2023