Aprè plizyè pale anpil sou koze entèvansyon peyi Kenya pou vin sipòte Ayiti avèk kriz ensekirite a, ki poko janm fin klè jouskaprezan. Prezidan Salvadò a, Nayib Bukele fè konnen jounen jodi dimanch 9 mas 2024 la, li pare pou li rezoud pwoblèm ensekirite a nan peyi Dayiti a.
“Nou kapab repare sa, men n ap bezwen yon rezolisyon konsèy Òganizasyon Nasyonzini an ak jwenn konsantman peyi ki dwe dirije a. Anplis, fòk gen frè ki pou kouvri misyon an», se sa prezidan Salvadò a, Nayib Bukele ekri sou kont (X) li.
Alòske, kominote Karayib (CARICOM) la te gentan envite plizyè peyi tankou Lafrans, Etazini, Kanada epi ONU nan yon rankont an ijans pou lendi 11 mas 2024 la, pou diskite sou plizyè pwen : Sekirite, estabilite epi founi èd imanitè avèk peyi a. Enbyen chèf gouvènman Salvadoryen an li menm, ki te rive mennen yon gwo batay kont plizyè kriminèl nan peyi l nan lane 2023 a, kote li te pral aplike yon eslogan «Tolérance zéro».
Se menm li menm jounen jodi a, ki deside pran douvan pou pote yon bon kout men bay peyi Dayiti k ap konnen yon sitiyasyon difisil, sitou an matyè sekirite.
Pandantan sa, n ap fè n konnen gen plizyè sòlda ameriken ki antre nan lannuit samdi 9 mas la nan peyi a. Yo vini atravè plizyè elikoptè pou vini pran sitwayen ameriken yo maten an, sitou sila yo k ap travay nan anbasad amerikèn nan. Epi yo gen vini tou, nan lide pou sekirize espas la avèk kèk pèsonèl ki anndan an.
Atik sa se pwopriyete prive ©️ Gwoup Medya MAGHAITI 2024
