Premye Minis Garry Conille pa lopital la ankò. Jodi dimanch 9 jen 2024 la, chèf gouvènman pibliye yon videyo sou chanèl Youtube li pou l di pèp la li an fòm: «Mwen byen gras a Dye. Mwen an sante jodi a. Mwen nan konba.»
Daprè Garry Conille, sòti lopital la se yon benediksyon Bondye ki pouse l reflechi sou pwoblèm sante nan peyi a. Li deklare: «Mwen te gen yon ti malèz, ki te kapab vin grav. Gras a gad sekirite yo ak travayè sante yo, kounye a mwen lakay mwen ak fanmi m ak zanmi m.»
Ak 75% nan enfrastrikti sante akseptab, Premye Minis la poze kesyon si sante pa ta dwe yon priyorite nan pwochen gouvènman an pandan l espere li pral mete sa an plas nan semèn k ap vini yo.
N ap raple Premye minis Garry Conille te viktim yon malèz respiratwa, samdi 8 jen nan aswè. Antouraj li te kouri ak li nan yon lopital nan komin Petyonvil. Kèk èd tan aprè, biwo Primati ki pa t an mezi eksplike sa ki te lakoz malèz la, te sòti yon kominike pou di eta sante Dr Conille te stabilize.
Atik sa se pwopriyete prive ©️ Gwoup Medya MAGHAITI 2024
