Omwen 3 prezime bandi mouri jounen jodi mèkredi 21 jen 2023, aprè popilasyon an te fin vide kout manchèt ak baton sou yo epi boule yo nan komin Petyonvil, presizeman nan zòn Laboul 12, selon enfòmasyon ki disponib.
Pandan 3 prezime bandi yo t ap kouri pou Lapolis aprè plizyè echanj kout bal, popilasyon an te pral tann anbiskad pou yo epi pran yo pou bay yo bwa kale nan zòn Laboul 12 la, nan yon fason trajik.
N ap raple depi aprè lanmò chèf gang Carlo Petit-Homme alyas Ti Makak nan dat 24 avril 2023 a, popilasyon Laboul la kontinye rete vijilan pou konbat fenomenn gang nan zòn sila, nan fason pou anpeche okenn gwoup gang pa vin rekanpe ankò.
Atik sa se pwopriyete prive ©️ Gwoup Medya MAGHAITI 2023
