Depi nan lendi lannuit pou rive jodi madi 28 fevriye 2023 a, plizyè nèg ak zam otomatik pa sispann tire kout bal nan zòn Metwopolitèn Pòtoprens lan, presizeman nan Bèlè ak Ri Senmaten epi Solino, kòmkwa se ta gè gang lan ki reprann selon premye enfòmasyon nan Laprès.
Nan echanj kout bal pasi pala sa yo, anpil moun k ap sikile nan aktivite yo rive pran nan bal mawon. Se lopital yo oblije prese vit kouri avèk yo, jis pou yo ka jwenn swen ki nesesè, toujou selon enfòmasyon k ap sikile nan Laprès.
Paralèlman, anpil Direktè lekòl ak biznis te prese vit fèmen pòtay yo, sòti sou chanmas pou rive nan zòn Lali an (Avni John Brown) epi kèk lòt zòn ankò akoz volim katouch ki t ap tire pandan jounen an. Anplis, paran te kouri vit al chèche timoun yo lekòl, sila yo ki t ap prese rantre lakay yo akoz gwo tansyon ki te gen nan lari a.
N ap raple gen plis pase 2 lane depi Gang G9 an Fanmi ak Gpèp ap batay nan bèlè, kote yo te mete dife nan legliz Katedral Pòtoprens lan, anplis plizyè kay ki gentan boule ak moun ki mouri epi mawon ki te kay yo deja nan kad batay sa.
Atik sa se pwopriyete prive ©️ Gwoup Medya MAGHAITI 2023
Discussion about this post