Nan yon korespondans ki adrese ayè Mèkredi 24 Dawout 2022, divès gran prèt dyosèz mande pou komite pèmanan legliz Episkopal Dayiti demisyone akoz kagezon zam ak minisyon ilegal ki te vin sou non enstitisyon sa. Yon fason pou yo penmèt lajistis kontinye fè limyè sou dosye sa.
Legliz Episkopal Dayiti nan yon veritab meli melo, sitou aprè arestasyon 5 moun li yo nan kad kagezon zam ak minisyon ilegal nan Ladwann Pòtoprens sou non Legliz la. Kidonk, responsab gran prèt dyosèz la mande pou sila ki la yo pou yo retire kò yo, paske yo pa byen jere enterè ak patrimwann Legliz Episkopal Dayiti.
Pou rezon sa, nou mande demisyon komite pèmanan legliz Episkopal Dayiti, nan sousi pou fasilite lajistis fè travay li. Anplis, Gran prèt yo klè atravè mesaj nan korespondans lan : ” Bay sak pou Seza ak Seza”.
Sila yo ki siyen korespondans sa se :
-Reveran pè Kesnel Ajax,
-Pè Joseph Mathieu Brutus -Pè Frantz J. Casséus,
-Pè Joseph Tancrel Diègue, elatriye.
Pandan, n ap raple pè Fritz Désire boude envitasyon Direksyon Santral Lapolis Jidisyè toujou nan kad dosye enplikasyon legliz Episkopal Dayiti nan koze zam ak minisyon ilegal nan Ladwann Pòtoprens. Anplis, DCPJ ta fè konprann Legliz Episkopal Dayiti fè sòti anviwon 105 kontenè sou non li, ant 01 Oktòb 2021 pou rive 30 Me 2022.
Atik sa se pwopriyete prive ©️ Gwoup Medya MAGHAITI 2022
World
Discussion about this post