Fenomèn ensekirite k ap vale teren nan peyi d Ayiti, kote plizyè enstitisyon prive ak piblik ap fèmen pòt yo, anplis plizyè sitwayen etranje ak diplomat ap prese vit kouri kite peyi a. Peyi Etazini fè konnen ayè madi 19 mas 2024 la, li pa ekate posibilite pou li voye yon fòs militè an Ayiti nan kad solisyon entènasyonal la pou frennen zak vyolans isit la, selon sa a jounal Listin Diario rapòte.
«Peyi nou an kapab fè pati solisyon pwoblèm ki la a, nou pa ekate okenn posibilite ni mete tèt nou deyò nan okenn moman pou n angaje nou», deklarasyon chèf kòmandan sid Etazini an, Laura Richardson.
Paralèman, minis Defans Dominiken an (MIDE) sinyale Etazini ak Kanada te mande otorizasyon ak aksè tanporè pou l pote sipò avèk pèsonèl etranje yo epi ekipman yo atravè avyon li yo pou l mennen operasyon sa a.
«Li pral kontinye ak evakyasyon pèsonèl diplomatik toulède peyi yo, menm jan l ap fè li jiskaprezan, pou operasyon evakyasyon yo ka dewoule efikasman ak reponn objektif detèmine yo», deklarasyon minis Defans Dominiken an. Li ajoute tou l ap kontinye pote soutyen li ak tout operasyon evakyasyon prevantif oubyen ijans sitwayen nasyonal yo, presizeman pèsonèl diplomatik epi òganizasyon entènasyonal sitwayen Ayisyen yo.
N ap fè nou konnen peyi Tchad di li pare pou l pote sipò yo ak peyi d Ayiti pandan y ap akonpanye peyi Kenya nan kad misyon pou vin konbat vag vyolans k ap ravaje peyi a puiske peyi Kenya te mande kolaborasyon yo, se sa a minis afè etranjè Tchad la fè konnen ,
Mahamat Saleh Annadif.
Atik sa se pwopriyete prive ©️ Gwoup Medya MAGHAITI 2024
